Умайн хүзүүний хавдрын үед 

илрэх шинж тэмдгүүд:

Хавдрын урьдал болон эрт үеүдэд ямар нэгэн шинж тэмдэг, зовиур илэрдэггүй. Иймд зөвхөн эсийн шинжилгээ л танд тусална. Хорт хавдар үүсч даамжран, нэвчин ургаж, ойролцоох эрхтнүүддээ тархах үед л анхны шинж тэмдгүүд нь илэрдэг. Энэ үед илрэх шинж тэмдэг нь:

• Үтрээнээс хэвийн бус ялгадас гарах

• Үтрээнээс сарын тэмдгийн бус, мөчлөггүй цус гарах

• Цэвэршсэн эмэгтэйн үтрээнээс цус гарах

• Бэлгийн харьцаанд ороход цус гарах, эсвэл өвдөх

Эдгээрийг дагаж дараах нэмэлт шинж тэмдэг илэрч болно:

• Үтрээнээс цус алдсаны улмаас цус багадалт үүсэх

• Ууц нуруу, хөл, хэвлийн доод хэсгээр байнга өвдөх

• Давсаг, бөөр, шээлүүр хавдрын ургалтад дарагдвал шээхэд саадтай болох,

• Давсаг, эсвэл шулуун гэдэснээс цус гарах   

• Турах

Хэрэв эдгээр шинж тэмдгийн нэг нь илэрвэл эмчид яаралтай хандаарай. Анзааралгүй, байдаг л зүйл мэтээр өнгөрөөж болохгүй. Тэгвэл та хорт хавдарт ургах хугацаа өгч, өөрийнхөө эдгэрэх боломжийг бууруулж байгаагаас өөрцгүй.

Дээрх шинж тэмдэг нь өөр өвчний үед ч илэрч болдог боловч эмэгтэйчүүдийн эмчид хандаж, умайн хүзүүний хавдартай болсон эсэхээ үзүүлэхэд илүүдэхгүй.